ЖАҢЫЛЫКТАР
18.09.2014
Урматтуу окурмандар! Университетибиздин китепканасы 2014-жылдын 1-октябрынан баштап академиялык убакыт боюнча иштеп баштайт.
Иштөө убакыттары:
Борбордук китепкана:
Дүйшөнбү - Жума: 08:30-22:00 (20:00-22:00 сааттар аралыгында окурмандарга китептер үйгө берилбейт, китеп окуу залы жана компьютер залындан гана колдоно алышат);
Ишемби: 11:00-22:00 (18:00-22:00 сааттар аралыгында окурмандарга китептер үйгө берилбейт, китеп окуу залы жана компьютер залындан гана колдоно алышат);
Жекшемби: 12:00-20:00 (бул күнү окурмандарга китептер берилбейт, китеп окуу залы жана компьютер залындан гана колдоно алышат).
Ч. Айтматов Окуу Залы:
Дүйшөнбү - Жума: 08:30-22:00 (20:00-22:00 сааттар аралыгында окурмандарга китептер үйгө берилбейт, китеп окуу залы жана компьютер залындан гана колдоно алышат);
Ишемби: 11:00-22:00 (18:00-22:00 сааттар аралыгында окурмандарга китептер үйгө берилбейт, китеп окуу залы жана компьютер залындан гана колдоно алышат);
Жекшемби: Дем алыш.
Даярдоо курсу Окуу Залы (Башкы имарат):
Дүйшөнбү - Жума: 08:30-20:00;
Ишемби: 11:00-18:00;
Жекшемби: Дем алыш.
* Расмий майрам күндөрү китепкана иштебейт.
* Бул иштөө убакыттары 01.10.2014 – 01.06.2015 күндөрүнө тийиштүү.
* С. Жигитов атындагы окуу залы академиялык убакыт ичинде жөнөкөй иш саатына жараша иштейт.
* Академиялык календарь боюнча күзгү семестрдан кийинки каникул убагында китепкананын иш убактысы жөнөкөй иш саатына өтөт же кечки иш сааты кыскартылышы мүмкүн.
* * *
23.04.2014
Урматтуу окурмандар! Китепканабыздын автоматташтырылган программасында окурмандардын gmail.com э-почтасына китепканабыздан үйгө берилген китептерди кайра өткөрүү жөнүндөгү жөнөтүлгөн эскертүү билдирүүлөрүбүздү gmail.com сервери спам деп кабыл албай жатат. Ошондуктан китепнадабыздын автоматташтырылган программасында каттаткан gmail.com э-почтаңызды алмаштырууңуз керек (эң жакшысы университетибиздин manas.edu.kgэ-почтасын колдонууңуз). Бүгүндөн баштап китепканабыздын автоматташтырылган программасындан gmail.com э-почта адрестери өчүрүлөт. Э-почтаңызды алмаштыруу үчүн, Борбордук китепкана (Телефон ички номери 1717, 1710,1709), Ч. Айтматов окуу залы (Телефон ички номери 1685), Даярдоо Курсу окуу залы (Телефон ички номери 1002) чалсаңыз болот же http://yordam.manas.edu.kg/ адресиндеги электрондук каталогубуздан “Отурум ачып” жеке маалыматтарым бөлүмүндөн өзүңүз алмаштырсаңыз болот.
* * *
24.03.2014
Урматтуу окурмандар! Университетибиз колдонуп жаткан JSTOR электрондук маалымат базасын, “Кыргыз виртуалдуу илимий китепканасы” (ВИК) (VSL Kyrgyzstan - Virtual Science Library) (http://www.kyrgyzstanvsl.org) электрондук маалымат базасы аркылуу да колдонууга шарт түзүлдү. JSTOR маалымат базасын VSLдин университеттен тышкары байланышуу (Узактан байланышуу) кызматы аркылуу да колдоно аласыздар.
* * *
04.03.2014
Урматтуу окурмандар! Китепканабыз тарабынан жазылган “Library of KTMU Electronic Books” электрондук китептердин маалымат базасы “Manas ELibrary”деген аталышта жаңыланды. Маалымат базадагы эски версияда жайгашкан материалдарды жүктөө менен бирге күнүгө жаңы китептер менен жаңыланууда. Маалымат базада китеп издөө, темаларга жараша категория тандоо мүмкүнчүлүктөрү бар. Маалымат база 3 тилде (кыргызча, түркчө, орусча) иштейт. Маалымат база университеттин тышында иштебейт. Колуңузда бар болгон жана студенттердин окуусуна керектүү деп саналган электрондук китептериңизди маалымат базанын ылдый жагындагы “Китебиңизди жүктөңүз” деген жерден китепканага жөнөтө аласыздар. Китепкана адистери сиз жөнөткөн китептерди классификациялап, маалымат базасына жайгаштырат. Маалымат базасына китепканабыздын веб баракчасынан же бул адрестен http://elib.manas.edu.kg байланыша аласыздар.
* * *
27.02.2014
Урматтуу окурмандар! Университетибиз көп убакыттан бери колдонуп келе жаткан “Кыргыз виртуалдуу илимий китепканасы” (ВИК) (VSL Kyrgyzstan - Virtual Science Library) (http://www.kyrgyzstanvsl.org) аттуу электрондук маалымат базасы университеттен тышкары байланышуу (Узактан байланышуу ) кызматын көргөзө баштады. Бул кызматтан колдонуу үчүн жогоруда көрсөтүлгөн адрестен мүчө болуу бланкасын толтуруу керек. Бул бланканы туура, толук толтуруу жана сөзсүз түрдө университетибиздин атын жазуу абзел. Маалымат базанын өкүлдөрү китепканадан мүчө болгон колдонуучунун университеттин жааматына байланышы бар болгондугу тууралуу тастыктама алгандан кийин гана толук мүчөлүгүңүз ишке ашат. VSL Kyrgyzstan маалымат базасы 16 миллиондон ашык толук тексттүү илимий макалаларды, 47 миңден ашык электрондук китептерди, 16000 журналдарды камтыйт.
VSL Kyrgyzstan маалымат базасы камтыган булактар:
• Ачык жеткидеги журналдардын директориясы;
• Research4Life (HINARI, AGORA, OARE) журналдары;
• Arxiv.org;
• Калифорния техникалык Университетинин репозиторийи;
• Citeseer;
• Cogprints Eprints;
• High Wire Press;
• "Lund" шаарынын Университетинин илимий изилдөөлөрүнүн репозиторийи;
• "Ghent" шаарынын Университетинин илимий изилдөөлөрүнүн репозиторийи;
• Гутенберг долбоору.
* * *
14 / 27
