ЖАҢЫЛЫКТАР

30.10.2020

       Урматтуу окурмандар, университетибиз үчүн 1-ноябрь 2020 күнүнөн баштап “Web of Science”, “EBSCOHost” жана “Toktom” маалымат базаларына бир жылдык байланыш ачылды.
“Web of Science Core Collection” маалымат базасы, дүйнөдөгү импакт фактору жогору болгон, табигый илимдер, коомдук илимдер, искусство жана гумманитардык илимдер тармагындагы 21 миңден ашуун журналдарды, 200 миңден ашык конференциялардын 10,5 миллиондон ашык докладдарды, 110 миңден ашык китептерди камтыган, Clarivate Analytics фирмасынын көп тармактуу шилтеме индекстеринен түзүлгөн маалымат базасы болуп саналат. Маалымат базага кампус ичинен жеке каттодон өтүп, ошол каттоо аркылуу кампус тышынан да колдонсо болот.
Маалымат база бул жерде.

“EBSCOHost” маалымат базасы 17 миңге жакын журналдарды камтып, алардын ичинен ачык байланышта болбогон 2300 журналдын толук текстин камтыган чоң платформа болуп саналат. EBSCO журналдардын акыркы санын жана 1950-жылдарга чейинки сандардын архивин да камтыйт. Университетибиз үчүн EBSCOHostтун Academic Search Premier, Business Source Premier, GreenFILE, MasterFILE Premier, MEDLINE, ERIC, Regional Business News, Library, Information Science & Technology Abstracts, MasterFILE Reference eBook Collection, eBook Collection (EBSCOhost) аттуу маалымат базаларына байланыш ачылды.
Кампус тышынан кирүү үчүн кириш атын жана сыр сөзүн китепканабыздан алсаңыз болот, (Телефон: 492765 iç hat 837, 868. e-mail Этот адрес электронной почты защищён от спам-ботов. У вас должен быть включен JavaScript для просмотра.)
Маалымат база бул жерде.

“Токтом” маалымат базасы – Кыргызстандын мыйзамдарын камтыйт. Күн сайын жаңылануу болуп, жаңы мыйзамдарды убагында ала аласыздар.
Маалымат база бул жерде.

* * *

30.09.2020

       Урматтуу китепкананын колдонуучулары, "Ayeum" электрондук маалымат базасына 05.10.2020 - 20.10.2020 күндөрү үчүн 15 күндүк сыноочу байланыш берилет.
       Изилдөө методдорун окутуу жана колдонуу борбору (AYEUM) коомдук, илим, саламаттыкты сактоо жана билим берүү илимдеринде колдонулган сапаттуу, сандык жана аралаш ыкмалар боюнча изилдөөчүлөргө онлайн окутуу, көзмө-көз окутуу жана консультациялык кызматтарды көрсөтүү максатында түзүлгөн академиялык билим берүү платформасы болуп саналат. Бул багытта бүтүрүүчү докторанттарга, аспиранттарга, окумуштууларга, мамлекеттик мекемелердеги жана уюмдардагы адистерге илимий изилдөө процессинде колдонулган илимий изилдөө ыкмаларын жана компьютердик программаларды кеңири үйрөтүүнү максат кылат.
        Кызматкерлер жана студенттер “системага каттал” деген жерден корпоративдик электрондук почтасы менен гана жазыла алышат. Почтанын уландысы manas.edu.kg болушу керек. Мүчө болгондон кийин, электрондук почтага текшерүү коду жөнөтүлөт жана макул болушса, эч кандай көйгөйсүз кирсе болот. Каалаган жерден киргенге мүмкүнчүлүк алышат.
        Мүчө AYEUMга өзүнчө киргенде, ал өз билимин интерактивдүү экзамен модулу менен текшерип, өзүнүн атына берилген катышуу сертификатын жүктөп алат. Мындан тышкары, "Мугалимден сура" бөлүмүнөн мугалимдерибизге суроолорду берсе болот. Изилдене элек жерлер үчүн система кайтарым байланышта болуп, 100% билим алууга кепилдик берген кошумча пикирлерди жана маалыматтарды сунат.
        Суроолор боюнча, Ayeum барагындагы “бизге жазыңыз” бөлүмүнө кайрылсаңыз болот.

* * *

25.09.2020

       Урматтуу окурмандар! Университетибиз үчүн 24.10.2020-жылга чейин European Books England мекемеси тарабынан түзүлгөн "EduFunding Index" жана "EduPrograms Index" электрондук маалымат базаларына акысыз байланыш ачылды.

       EduFunding Index - European Books Ltd. тарабынан чыгарылган жана жарым жылда бир жаңыланып турган ЖОЖдогу (бакалавр, магистр, докторантура ж.б.) илимий изилдөө үчүн дүйнөлүк стипендиялар жана гранттар каталогу болуп эсептелет.
       ЖОЖ студенттерине: бакалавриат (55 миңден ашык стипендия), магистратурага (50 миңден ашык стипендия), докторантурага (40 миңден ашык стипендия), курска (35 миңден ашык стипендия) 180.000 ден ашуун стипендия сунуш кылган беш миңден ашуун колдоочулар жөнүндө жалпы маалымат булагы болуп саналат.

       EduPrograms Index - European Books Ltd. тарабынан чыгарылган жана жарым жылда бир жаңыланып турган англис тилдүү мамлекеттердеги жана Европадагы жогорку билим берүү программалары болуп эсептелет. Англис тилдүү мамлекеттерде (АКШ, Канада), Улуу Британияда, Ирландияда, Австралияда, Жаңы Зеландияда, Европанын университеттеринде (анын ичинде Европа Бирлигинин 33 өлкөсү) 290,000ден ашуун жогорку билим берүү программалары (бакалавриат, магистратура, докторантура, даярдоо курсу, магистратура) жөнүндө маалыматтарды камтыган маалымат жана маалымдама булагы болуп саналат.

* * *

08.09.2020

       Урматтуу окурмандар! 07-сентябрь 2020-жылдан баштап китепканалар китеп алууга жана өткөрүүгө ачык (Окуу залдарга отурууга уруксат берилбейт). 2020-2021 окуу жылы онлайн түрдө болгондугуна байланыштуу, 2019-2020 окуу жылында китепканадан алган китептердин өткөрүү күнү 31.12.2020 күнүнө дейре узартылды. Мүмкүнчүлүгү барлар алган китептерди өткөрүп койсо болот. Электрондук китепканабыз окуу материалдар менен күнүгө толукталып жатат.

* * *

25.06.2020

       Урматтуу окурмандар! Университетибиз үчүн “OpenEdition” маалымат базасына 31.12.2020 күнүнө дейре EIFL долбоору аркылуу бекер байланыш ачылды. “OpenEdition” – коомдук жана гуманитардык илимдердеги илимий маалымат кызматынын комплекстүү санариптик инфраструктурасы. Университетибиз үчүн бул маалымат базанын 175 журналына байланыш ачылды.
Маалымат базаны бул жактан колдонсоңуз болот.

* * *