04.02.2008

     Китепканабыздын Мезгилдүү басма сөз бөлүмүндө библиография иши иштей баштады. Бөлүмдө китепканабызда топтолгон илимий журналдардын (10 ысым, китепканабыздагы баардык сандары жана макалаладын толугу), китепканабыз жазылган, Кыргызстанда басылып жаткан аналитикалык журналдардын (10 ысым, 2008-жылдын январь айынан баштап чыгып жаткан сандары жана тандалган макалалар) жана күндүк гезиттердин (22 ысым, 2008-жылдын январь айынан баштап чыгып жаткан сандары жана тандалган макалалар) макалаларынын библиографиялык маалыматтары электрондук түрдө каттала баштады. Киргизилип жаткан библиографиялык маалыматтар электрондук каталогубуздан издөөгө ачык. Мындан тышкары аналитикалык журналдардын жана күндүк гезиттердин эски сандарындагы тандалма макалалардын библиографиялык маалыматтары менуел түрдө (каталог картында) да каттала баштады.
Электрондук каталогубуздан библиография издөө ишинин колдонуу слайды >>>
Библиографиялык каттоолору башталган мезгилдүү басма сөздөрдүн тизмеси>>>

18.09.2007

     17.09.2007 күнүнөн баштап китепканабыздын иш убагы Академиялык мезгилге өзгөртүлдү жана түнкү убакыттары да иштей баштады
Иштөө убакыттары:
Дүйшөмбү-Жума 08.30-00.00
Ишемби 08.30-21.00
Жекшемби 09.00-13.00

28.04.2007

     2007-жылдын 26-27-Апрель айында Кыргыз-Түрк "Манас" университетинин Китепкана жана иш кагаздары башкармалыгы Кыргыз Республикасынын Улуттук Китепканасы менен бирге "Маалымат алкагындагы китепканалар: Салты өнүгүү стратегиясы" атуу 1-Китепкана жумалыгын куттукташты. 1-Китепкана жумалыгына Түркия Республикасынын Улуттук Китепкана башкармалыгынан, Кыргыз Республикасынын университет, калк, облустук, райондук, айылдык китепканларадан, о.э. басмаканалардан, китеп сатуучу борборлордон, баардыгы болуп 100гө жакын катышуучулар болушту. Жумалыктын 1-күнү Кыргыз-Түрк Манас университетинин Ата Манас залында “Кыргыз Республикасынын маданият саясаты жана китепканалар”, “Азыркы абалда китепканаларды маалымат булактары менен камсыз кылуу жана коргоо” жана “Китепканалардагы автоматташтырылган технологиялар жана системалар. Электрондук маалыматтар, булактар, китепканалар” атту темаларда докладдар окулду. Жумалыктын 2-күнү Кыргыз Республикасынын Улуттук Китепканасынын чоѕ актовый залында “Китеп сатуучу субъекттер менен китепканалардын байланыштары: абалы жана проблемалары” аттуу темада докладдар окулду.