05.11.2026

       Урматтуу окурмандар! Университетибиздин үчүн 12.10.2026–11.02.2027-күндөрү аралыгында EBSCO платформасында жайгашкан 14 маалымат базасына сыноо иретинде кирүү мүмкүнчүлүгү берилүүдө.
       Сыноо иретинде пайдаланууга берилген маалымат базалары, аларга кирүү мөөнөттөрү, пайдалана ала турган академиялык бөлүмдөр жана маалымат базаларынын аталыштары төмөнкү таблицада көрсөтүлгөн.
       Учурда Engineering Source, eBook EngineeringCore Collection, Inspec with Full Text жана Mathematics Source маалымат базаларына сыноо иретинде кирүү мөөнөтү уланууда. Бул маалымат базалары тууралуу кеңири маалыматты бул шилтемеден алсаңыздар болот.
       Сыноо иретинде кирүү мүмкүнчүлүгү берилүүчү башка маалымат базалары тууралуу маалыматтар алардын кирүү мөөнөтү башталганда жаңылыктар аркылуу жарыяланат.
       Суроолоруңуздар жана кошумча маалымат алуу үчүн Китепканабызга кайрылсаңыздар болот: Этот адрес электронной почты защищён от спам-ботов. У вас должен быть включен JavaScript для просмотра.

 

04.11.2026

       Урматтуу окурмандар! 2026-жылдын 31-декабрына чейин Университетибиздин колдонуучулары үчүн “Piri Keşif Aracı”, “Piri AI” жана “LİBDİS” платформаларына сыноочу байланыш ачылды.
Аталган платформалар тууралуу кыскача маалымат төмөндө берилет.
1. “Piri Keşif Aracı” - Университетибиз жазылган маалымат базаларын, ачык жеткиликтүү ресурстарды жана китепкананын электрондук каталогун бирдиктүү платформа аркылуу издөөгө мүмкүндүк берген академиялык издөө куралы.
Бул платформа окутуучулардын, изилдөөчүлөрдүн жана студенттердин илимий булактарга тез жана оңой жетүүсүн камсыз кылып, изилдөө иштерин жеңилдетет. Ошондой эле диссертацияларды издөө, мекеменин илимий басылмаларын көзөмөлдөө жана академиялык жарыялоолордун ортосундагы байланыштарды графикалык түрдө талдоо сыяктуу кеңири мүмкүнчүлүктөрдү сунуштайт.
• Piri Keşif Aracı платформасы менен таанышуу
• Piri Keşif Aracı деген эмне?

2. “Piri AI” - академиялык изилдөө, жазуу жана мазмун даярдоо процесстеринде жасалма интеллекттин мүмкүнчүлүктөрүн пайдаланууга шарт түзгөн платформа. Колдонуучу белгилеген темалар боюнча академиялык булактарды издеп, тиешелүү жарыяланган эмгектерди пайдалануу менен академиялык талаптарга ылайык материалдарды даярдоого жардам берет.
Автоматтык түрдө шилтемелерди жана библиографиялык көрсөтмөлөрдү түзүү, мазмунду редакциялоо, көп тилдүү колдоо жана Word форматында жүктөп алуу сыяктуу мүмкүнчүлүктөрү аркылуу академиялык иштерди аткарууну жеңилдетет.
Piri AI платформасын колдонуу үчүн @manas.edu.kg домениндеги корпоративдик электрондук почта дарегиңиз аркылуу каттоодон өтүшүңүз керек.
• Piri AI платформасы менен таанышуу
• Piri AI деген эмне?

3. “LİBDİS” - ар түрдүү академиялык жана тарыхый материалдар өзүнчө коллекцияларга топтолгон жана толук тексттерге жетүү мүмкүнчүлүгүн сунуштаган маалымат базасы.
Макалалар, диссертациялар, конференция материалдары, электрондук китептер, осмон тилиндеги макалалар, эски гезиттер, медицина жана саламаттык сактоо боюнча басылмалар сыяктуу бай коллекциялары аркылуу изилдөөчүлөргө ар кандай академиялык жана тарыхый булактарды бирдиктүү платформа аркылуу пайдаланууга мүмкүнчүлүк берет.
• LİBDİS деген эмне?

Бардык окутуучуларды, изилдөөчүлөрдү жана студенттерди аталган платформаларды сыноо мөөнөтүндө колдонуп көрүүгө жана алардын мүмкүнчүлүктөрүнөн пайдаланууга чакырабыз.

21.10.2026

       Урматтуу окурмандар! Университетибиздин окурмандары үчүн «Лань» электрондук китепкана системасына байланыш ачылды!
«Лань» - изилдөөчүлөр, окутуучулар жана студенттер үчүн иштелип чыккан заманбап электрондук китепкана системасы. Анда 403 университеттин жана көптөгөн алдыңкы басмаканалардын материалдары камтылган. Системада ар түрдүү тармактар боюнча 93 000ден ашуун окуу китептери, окуу куралдары, окуу-методикалык колдонмолор, монографиялар, лекциялардын курстары жана илимий журналдар сунушталат. Материалдар орус тилинде берилген.
«Лань» электрондук китепкана системасына бул шилтеме аркылуу кире аласыздар: https://e.lanbook.com/
Университеттин аймагында системага логин жана сырсөзсүз кирүүгө болот. Ошондой эле жеке каттоодон өтүү аркылуу университеттин аймагынан тышкары жерден да системаны пайдаланууга мүмкүнчүлүк бар.
Пайдалуу шилтемелер:
• Көп берилүүчү суроолорго жооптор
• Колдонуучулар үчүн кыскача нускамалар: окутуучулар үчүн жана студенттер үчүн.